مومياء في قلب تابوت
تأليف / متولي بصل
مع كل طلعة نهار
وكل غطسة ليل
أسأل وصلنا العمار
والا احنا فين يا دليل
يقول لي فات الكتير
ما فاضلش غير القليل
قدام عينيك الديار
شرفت يا ابن النيل
ظهرت لعيني قبور
ولقيتني بينهم نزيل
نزلت دموعي بحور
وقال لي صبري الطويل
قبرك هيصبح مزار
لكل عابر سبيل
مكتوب لي اعيش وأموت
مومياء في قلب تابوت
الناس تشوف النور
وانا اتوه في جوف الحوت
ليست هناك تعليقات:
إرسال تعليق