حياة كريمة
ارعى ولادك بالتعليم
هيكون ليهم شأن عظيم
ولا تبخلش عليهم أبدا
مهما تضيق ..
فيه رب كريم
بنتك وابنك دول راس مالك
غرسك زرعك كل حياتك
سندك ضهرك في الدنيادي
وهمه ذكراك بعد مماتك
المدرسة يتعلموا فيها
علم و فن مفيد ولغات
ويمارسوا الأنشطة وينموا
كل المهارات والهوايات
*****************
واحنا مبادرة لحياة كريمة
جايين نشرح فيها للناس
المرأة لها وزن وقيمة
وهي لكل مبادرة أساس
وكفاية إنها أم عظيمة
ومين غير أمي
هي الأخت وهي الزوجة
وهي البنت والحنية والإحساس
هي أساس الأسرة وهي
لكل نجاح في حياتنا أساس
******************
علشان نتقدِّم ببلادنا
لازم نهتم بأولادنا
ونربيهم ونعلمهم
ونفهمهم ونوعيهم
أولادنا فلذات أكبادنا
وهي حياتنا لمين غير ليهم
م الإدمان لازم نحميهم
ونفهمهم ونوعيهم
*****************
ابنك ترعاه لحد ما يكبر
وتوجِّهه على قد ما تقدر
واعرف إنه لا بد هيغلط
وان أهملته هيغلط أكتر
خليك جنبه في حزنه وفرحه
واعرف مين ويَّاه ومين صاحبه
واحميه من أصحاب السوء
مد له إيدك شده لفوق
مين له غيرك ساعة الضيق
مين هيعينه في كل طريق
أصعب شيء إنه يحس بإنه ضعيف
وما يقدرش ياخد في حياته أي قرار
خليك دايما جنبه بشكل لطيف
واوعى تسيبه في وسط النار
تأليف / متولي بصل
دمياط
ليست هناك تعليقات:
إرسال تعليق